အကြားအမြင်

အကြားအမြင်

ဗုဒ္ဓ၀ါဒအရ ``ယထာကမ္မူပဂဉာဏ်´´ကို ရတဲ့သူဟာ ဘယ်ကံရဲ့အကျိုးပေးကြောင့်သတ္တ၀ါတွေ ဘယ်ဘုံဘ၀မှာဘယ်လိုဖြစ်နေတယ်ဆိုတာကို လမ်းပေါ်မှာသွားနေသူတွေကို အိမ်ပြတင်းပေါက်ထိုင်ကြည့်နေသလိုမြင်နိုင်တယ်။ ဒါကြောင့်အဲဒီဉာဏ်ကိုရရင် ``အကြားအမြင် ´´ရသူလို့ဆိုခွင့်ရှိတာမှန်တယ်။ အဲဒီဉာဏ်ကိုရဖို့ မြတ်ဗုဒ္ဓရဲ့သိက္ခာသုံးပါးကျင့်စဉ်ကိုကျင့်ရင် ရတာလည်းဟုတ်တာပဲ။

ဒါပေမဲ့အဲဒီဉာဏ်ကိုရမှသာ အကြားအမြင်ရသူလို့ဆိုရင် မပြည့်စုံတော့ဘူး။ ဘာကြောင့်လဲဆိုတော့ဗုဒ္ဓလက်ထက်က ၀င်္ဂီသရဲ့ဖြစ်ရပ်အရ အဲဒီဉာဏ်ကိုမရဘဲ တခြားစွမ်းရည်တစ်မျိုးနဲ့လည်းသတ္တ၀ါတွေ ရောက်နေတဲ့ဘ၀ကို သိနိုင် တာကိုတွေ့ရလို့ပါ။အဓိပ္ပါယ်ကတော့ မြင်နိုင်ကြားနိုင်တဲ့စွမ်းရည်ပမာဏသာကွာရင်ကွာမယ် အခြားနည်းနဲ့ အကြားအမြင်ရတာမျိုးလည်းရှိနိုင်တယ်လို့ဖြစ်ပါတယ်။

သာဝတ္တိမြို့သား (ဓမ္မပဒ-ဋ္ဌ ၂၊၄၄၉ ) အရ ရာဇဂြိုလ်မြို့သား ၀င်္ဂီသအမည်ရတဲ့လူငယ်ဟာသုံးနှစ်အလွန်က လူသေရဲ့ခေါင်းခွံကိုပင် လက်သည်းဖျားနဲ့ခြစ်ပြီး ခေါက်ကြည့်ရုံနဲ့အဲဒီလူဘယ်ဘ၀ရောက်နေတယ်ဆိုတာ ကိုပြောနိုင်သတဲ့။ အဲဒီတော့ပုဏ္ဏားလူလည်တွေက``ဒီကောင်ကိုပြပြီးလုပ်စား လို့ ရတယ် ( သက္ကာ ဣမံနိဿာယလောကံ ခါဒိတုံ )လို့ ကြံပြီးဝါဒဖြန့်လိုက်တာ ``အင်္ဂီသနဲ့တွေ့ရင်ဝင်ငွေလာဘ်တိုးရုံမျှမက သေရင်နတ်ပြည်ရောက်တယ်´´ဆိုတဲ့အထိပဲ။ တစ်ထောင်ဆိုလည်းရော့၊တစ်သောင်းဆိုလည်း အင့်လို့ဆိုပြီး ပေးလာတဲ့ လူတွေထဲမှာ မင်းမှုးမတ်နဲ့သူဋ္ဌေးတွေ ရှေ့ဆုံးကပါသတဲ့။ ဗုဒ္ဓနဲ့တွေ့တဲ့အခါဗုဒ္ဓက၀င်္ဂီသကိုဦးခေါင်းခွံတစ်ခုပေးပြီး ဟောခိုင်းတယ်။ ၀င်္ဂီသကလက်ခြစ်ခေါက် ကြည့်ပြီး``ဒီခေါင်းပိုင်ရှင်က ငရဲမှာ´´လို့ဖြေတော့ဗုဒ္ဓက ``ကောင်းစွ၊မင်းမြင်တာမှန်တယ်( သာဓု သုဒိဋ္ဌံ တယာ )( အံ-ဋ္ဌ ၁၊၂၀၉ )´´လို့မိန့်တော်မူတယ်။

ဝင်္ဂီသဆီမှာလူတွေတရုန်းရုန်းဖြစ်ရတာဟာ သေသူတွေရဲ့ရောက်ရာဘ၀ကိုပြောနိုင်တာအပြင်တမလွန်မှာရှိနေတဲ့သေပြီးသူတွေနဲ့ သေသူအကြားရှိခဲ့တဲ့လျှို့ဝှက်ကိစ္စနဲ့ပါတ်သတ်ပြီး လူအများယုံကြည်လောက်အောင် ပြောပြနိုင်တာတွေ ကြောင့်လည်းဖြစ်ဖွယ်ရှိတယ်။ ဗုဒ္ဓကတောင် ၀င်္ဂီသဖြေတာမှန်တယ်လို့ မိန့်တော်မူပုံထောက်ရင် သူ့စွမ်းရည်ဟာ မခေဘူး။ ကျမ်းဂန် ( အပဒါန၊ဋ္ဌ ၂၊၂၅၄) မှာတော့ဝေဒကျမ်းလာ ``ဆ၀သီသ မန္တာန်´´ကိုတတ်လို့ အဲဒီလိုဟောနိုင်တာ လို့သာမာန်ပဲဆိုတယ်။ အဲဒီမန္တာန်ကဘာ၊ ဘယ်လိုစီရင်ရတယ်ဆိုတာ မဖော်ပြဘူး။ ၀င်္ဂီသဟာ သူ့စွမ်းရည်ကို သက်မွေးကျောင်းအတွက်အသုံးချခဲ့တာပဲ။

ယနေ့ခေတ်မှာလည်းကမ္ဘာတစ်လွှား``အကြားအမြင်ရ ကြားခံလူ (psychnic medium) ´´လို့ခေါ်တဲ့ ၀င်္ဂီသလိုလူတွေရှိကြတယ်။ ဒီဘက်ကမ္ဘာကခေတ်သစ်ဝင်္ဂီသတွေကတော့သူ့တို့ရဲ့စွမ်းရည်ကိုလျော့မသွားအောင် ထိန်းသိမ်းထားပြီး ကိုယ့်ကိုယ်ကိုလူအများသိအောင်စာရေး၊ရုပ်မြင်သံကြား၊ သတင်းမီဒီယာတွေနဲ့ ဆက်သွယ်ပြီးအဲဒီမွေးရာပါစွမ်းရည်ကိုမိမိတို့ရဲ့သက်မွေးဝမ်း ကျောင်းဘ၀ထဲရောက် အောင်ကြိုးစားကြတယ်။

ကမ္ဘာနဲ့အ၀ှမ်းနာမည်ကြီးသူတွေအနက်တစ်ဦးက နယူးယောက်မြို့သားဂျွန် အက်ဒ်ဝပ်(John Edward)ဖြစ်ပါတယ်။ မွေးတုန်းကရိုမန်ကက်သလစ်၊ နောက်တော့ အဲဒီယုံကြည်မှုကိုစွန့်ခဲ့ကြောင်းသိရပါတယ်။ ဒီလူက ပရလောကသား (သူ့အခေါ် outer side ကပုဂ္ဂိုလ်)တွေနဲ့ ဆက်သွယ်ပြီး စကားပြောနိုင်ပါသတဲ့။ ဒီလူရဲ့အကြားအမြင်ဟောပြောချက်ကို CNN မှာတွေ့ဖူးကြမှာပေါ့။

နောက်တစ်ဦးကသူ့ကိုယ်သူ ဂျွန်ဟော်လန် ( John Holland ) ဒီလူကတော့ သူ့ဆီကိုလာမေးတဲ့လူတွေကိုလည်းအခကြေးငွေယူပြီး ဟောပေးသတဲ့။ ၀ိညာဉ်တွေသူ့ဆီလာပြီးသူ့နားရွက်နားမှာ တိုးတိုးလေးကပ်ပြောတယ်လို့သူကဆို တယ်။ဒီလူတွေဟာဆယ်ခုမေးရင် ရှစ်ခုထက်မနည်းတော့ မှန်အောင်ဖြေနိုင်ကြသတဲ့။

သိပ္ပံပညာရှင်တွေက ``ဒီလူတွေဟာ သိပ်ပြီးတော့ sensitive ဖြစ်တယ်။( အမြင် အကြားအတွေးစတဲ့ အာရုံတွေသူများထက် အားကောင်းတယ် ) ´´လို့မှတ်ချက်ပေးရုံကလွဲပြီးအဲဒီလူတွေရဲ့စွမ်းရည်ကို သိပ္ပံနည်းနဲ့ မစမ်းသပ်နိုင်သေး ပေမဲ့ CIAလိုထောက်လှမ်းရေးဌာနကတောင် ထိုလူတွေရဲ့စိတ်နဲ့ပုံဖော်တဲ့ တရားခံရဲ့ရုပ်သဏ္ဍာန်ကို အတည်ပြုရပါသတဲ့။

ဗုဒ္ဓ၀ါဒမှာ လူတစ်ချို့ကလွဲပြီးလူတိုင်းမတွေ့မြင်နိုင်တဲ့ တမလွန်ဘ၀မျိုးရှိတယ်ဆိုတာယုံကြည်တယ်။ ပုထုဇဉ်မျှသာဖြစ်တဲ့မာရ်နတ်က သောတာပန်အရိယယာဖြစ်တဲ့ရှင်အာနန္ဒာရဲ့ နှလုံးအိမ်ကိုဖမ်းဆုတ်ထားတယ်။ (မုခေနဟတ္ထံ ပဝေ သေတွာ ဟဒယံမဒ္ဒတိ၊ဒီ-ဋ္ဌ ၂၊ ၁၄၅ )ဆိုတာကို ခေတ်ဝေါဟာရနဲ့အဓိပ္ပါယ်ယူရင် အရှင်အာနန္ဒာကိုမရ်နတ်ကြီးက ၀င်ပူးတဲ့သဘောပဲ။ ဒါကြောင့်ဝင်ပူးတယ်ဆိုရင်လဲလက်ခံနိုင်ဖွယ်ရှိတယ်။ မရ်နတ်ကြီးလည်းသေလာအမည်ရှိတဲ့ ဘိက္ခူနီမရဲ့နားရွက်နားကို ကပ်ပြီး``သိပ်ချောတာပဲ ´´လို့ပြောတယ်။( သံ-၁၊၁၃၅ ) ဆိုတော့ မမြင်နိုင်သူ ပရလောကသားနဲ့ ဆက်သွယ်စကားပြောတယ်လို့ဆ်ုရင်ကော ငြင်းလို့သင့်ပါမလား။

ဒီနေရာမှာ သူသူငါငါတို့သတိထားရမှာက ၁။ နတ်ဝင်သည်သို့မဟုတ် အကြားအမြင်ရသည်ဆိုသူတွေအနေနဲ့မလိမ်မညာဘူး။ ရိုးတယ်ပဲထား။ ၀င်ပူးကပ်ပြောလာတဲ့ ပရလောကသားအများစုဟာ ပုထုဇဉ်တွေပဲဖြစ်ဖွယ်ရှိလို့ပြောတိုင်းမမှန်နိုင်ဘူးလို့မှတ်ထား ပါ။ ၂။ ဒါ့အပြင်ဘယ်လောက်ရိုးပါတယ်ပြောတဲ့ လူတွေတောင် နာမည်ကြီးလာတဲ့အခါရရှိတဲ့ အရှိန်အ၀ါနဲ့ စီးပွားဖြစ်ထွန်းမှုကို သာယာမက်မောပြီးအမှန်တစ်ပဲ အလွဲတစ်ပိဿာဖြစ်မှန်းမသိ ဖြစ်နေတတ်တယ်။ ဒါ့ကြောင့်နာမည်ကြီးလို့ဆိုပြီး မိမိရဲ့ဘ၀နဲ့ဓနကို ဘယ်တော့မှ အကြားအမြင်တွေစီမှာပုံမအောမိပါလေနဲ့။ လိမ္မာမြင်သိပညာရှိ ဗုဒ္ဓ၀ါဒီဖြစ်ရင်အဲဒီလို အကြားအမြင်ဆရာတွေကို မျက်စိစုံမှိတ်ယုံကြည်ပြီး ရာထူးတက်မယ် သူဋ္ဌေးဖြစ်မယ်ဆိုတဲ့ အမျှော်စိတ်စွဲနဲ့ ၄င်းတို့နောက်လိုက်ရင်း အချိန်ကုန် လူပန်းဥစ္စာဖြုန်း နလပိန်းတုန်းမလုပ်ပဲ``ကံဆိုတာ အလုပ်၊ အလုပ်ကောင်းမှ ကံကောင်းမယ်´´ဆိုတာကိုဦးနှောက်ထဲ သံမှိုနှက်သလိုစွဲထားပြီး ကိုယ့်ခြေထောက်ပေါ်ကိုယ်ရပ်တည်ရင်းဇွဲ လုံ့လ ဆင်ခြေတုံတရားထိုလေးပါးနဲ့သာ ဘ၀လောကဓံကို ကျော်လွှားဖို့ကြိုးစား သင့်ပါကြောင်း။

အရှင်ကေလာသ(USA) ဓမ္မအမေးအဖြေများ