(ခိုကိုးရာရှာထားပါဒီလမ်းက ကွယ်တော့မယ်)
မြတ်စွာဘုရားသခင်ကိုယ်တော် မြတ်ကြီးက ဘုန်းကြီးတို့ ဒကာဒကာမတွေ အားကိုးရာ-ရှိ ကြပါ.... ဆိုတဲ့ဥစ္စာကို အထူးသဖြင့်ပဲ သူမှာတယ်နော် … (မှန်ပါ့ဘုရား) အားကိုရာ ရှိကြပါစေ၊ အားကိုရာမရှိလို့ရှိရင် မဖြစ်ဘူး… (မှန်ပါ့ )။
လောကီဥပမာ -ဘုန်းကြီးတို့ ဖြည့်စွက်ပြီးပြောရလို့ရှိရင် ဒကာ ဒကာမတို့သိတဲ့အတိုင်း…၊ မွေးလာတယ်ဆိုရင်ပဲ ကိုယ့်အိမ်ကလေးအားကိုးရာရှိတော့မိုးလုံတဲ့နေရာက လေးပြေးကြရတယ်..( မှန်ပါ့ ) အားကိုးရာရှိတဲ့ ပုဂ္ဂိုလ်ကျတော့ ခိုကိုးရာရတယ် … (ရပါတယ်ဘုရား) ။
နေပူတယ်ဆိုလို့ရှိရင်လဲ ထို့အတူပဲ …၊ဒကာ ဒကာမတွေ သိတဲ့အတိုင်းထီးကလေးပါသွား
ထီးခိုဖို့ရာရတယ်… ( မှန်ပါ့ )ဒီပြင် ၀င်နားမယ်ဆိုလို့ရှိရင် အိမ်ထဲဝင်နားနေလိုက်ရင် ခိုကိုးရာရ တယ် … (မှန်ပါ့) ။
ဒါကြောင့် … ဘုရားသခင်ကိုယ်တော်မြတ်ကြီးက ခိုကိုးရာ အားထားရာကိုတော့ဖြင့် မင်းတို့ အသိဥာဏ်ရှိတဲ့ဘ၀ အရယူထားပါဆိုတာကိုလဲ … (မှန်ပါ့ဘုရား )သို့သော်… ဒီခိုကိုးရာဆိုတာကလဲ အဟုတ်စိတ်ချရတဲ့ ခိုကိုးရာ ခေတ္တယာယီမျှစိတ်ချရတဲ့ ခိုကိုးရာရယ်လို့ခိုကိုးရာ နှစ်မျိုးရှိတယ် … ( မှန်လှပါဘုရား )။
ယာယီခိုကိုးရာ
အဲဒီတော့ ဒကာ ဒကာမတွေဟာ ဒါနကလေးလုပ်ပြီးသကာလ နတ်ပြည်သွားပြီးခိုကိုးလိုက်တယ် …( မှန်ပါ့ ) ခေတ္တတော့ ခိုကိုးရာရပါရဲ့ ဒိဋ္ဌိမပြုတ်ရင် အပါယ်ပြန်ကျတယ်
(မှန်လှပါဘုရား) ။
ဟာ… သီလကလေး ဆောက်တည်လိုက်တာပဲ၊ ဒါကလေး ခိုကိုးရာပဲ၊ နောက်ဘ၀ ကောင်းစားရာ ခိုကိုးရာပဲလို့ ခိုကိုးရာအလုပ် - လုပ်လိုက်ပြန်တော့ဒိဋ္ဌိကမပြုတ်ပြန်တော့ပဲလို့ ခိုကိုးရာအလုပ်-လုပ်လိုက်ပြန်တော့လဲ ဒိဋ္ဌိက မပြုတ်ပြန်တော့လဲဒကာကြွယ်-ပြန်ပြီးအပါယ်လေးပါး ရောက်ပြန်တယ်… (မှန်ပါ့ဘုရား )။
အဲဒီတော့… ဒီဟာတွေဟာ ယာယီခိုကိုးရာလို့မှတ်ပါ.. ( မှန်ပါ့ ) ရှင်းပလား …(ရှင်းပါပြီ ) ဘယ်လို ခိုကိုးရာပါလိမ် (ယာယီခိုးကိုးရာပါဘုရား)။
ယာယီ-ခိုကိုးရာလောက်နဲ့တော့ဖြင့်တင်းတိမ်ပြီးမနေကြပါနဲ့ (မှန်ပါဘုရား) အမြဲအစွဲ ဘယ်ဟာမျိုးမဆို မလှုပ်ရှားနိုင် မထိခိုက်နိုင်၊ မတွန်းလှန်နိုင်၊မဖျက်ဆီးနိုင်တဲ့ခိုကိုးရာကို အသိဥာဏ်ရှိတဲ့ဘ၀ ရှာထားပါဆိုတဲ့ဥစ္စာကို တိုက်တွန်းရတယ် …( မှန်လှပါ )။
ဒါဖြင့် ခိုကိုးရာတွေ အမျိုးမျိုးအဖုံဖုံ ရှိကြငြားသော်လဲ ယာယီခိုကိုးရာတစ်မျိုး- (မှန်ပါ့) အမြဲတမ်းခိုကိုးရာတစ်မျိုး (မှန်လှပါဘုရား) ဘယ်နှစ်မျိုးရှိသွားပလဲ (နှစ်မျိုးပါဘုရား) ။ နှစ်မျိုးရှိပြီးသကာလ -နေတော့ နတ်ပြည်, ဗြဟ္မာပြည်သွားပြီး ခိုကိုးလိုက်မယ်လို့ ဆိုပြန်လို့ရှိရင် အိုဘေး၊ နာဘေး၊သေဘေး ကျတော့ မတတ်နိုင်ဘူး… (မတတ်နိုင်ပါဘုရား)။ထိုကဲ့သို့ မတတ်နိုင်တော့ … ယာယီပဲ သက်သာခွင့်ရပြီး မောင်ဘသော်တို့ တော်တော်ကြာ ကျလို့ရှိရင်ဖြင စိတ်မချတာပေါ်လာတယ် … (ပေါ်လာပါတယ်ဘုရား) ဘယ့်နှယ့်ကြောင့်ပါလိမ့်မတုန်းမေးတော့ ယာယီခိုကိုးရာမို့ (မှန်ပါ့) ရှင်းပလား… (ရှင်းပါပြီ )။
ကိုင်း… လူ့ပြည်လာပြီးသကာလလူချမ်းသာရယ်လို့ဆိုပြီး သူများပြောထားတဲ့အတိုင်း ယုံပြီးသကာလ ဒကာကြွယ်တို့ခို ကိုးတော့ကိုယ်-ကိုယ်တိုင်ကြည့်တော့ အိုဘေး၊ နာဘေးသင့်နေပြီ (သင့်ပါတယ်ဘုရား)မသင့်ဘူးလား (သင့်ပါတယ်ဘုရား)မရောက်ခင်တုန်းကတော့ လူ့ပြည်ဟာခိုကိုးရာအစစ်ပဲ ဆိုပြီးသာကာလ ခိုကိုးရာကြည့်လိုက်တာပဲ… (မှန်ပါ့) သေသေချာချာကြည့်လိုက်ပြန်တော့လဲ ကိုယ်-ကိုယ်တိုင်အိုဘေး၊နာဘေး၊သေဘေးသင့်နေတယ် … (သင့်ပါတယ်ဘုရား)မသင့်ဘူးလား( သင့်ပါတယ်ဘုရား )။
ခိုကိုးရာအစစ်ရွေးကြပါ ။
အဲဒါ… ဒီဟာတွေ သေသေချာချာတွေးပြီးတော့အို… ခိုကိုးရာအစစ်ဆိုတာလဲ ရွေးဦးမှ၊ ချယ်ဦးမှတော်တော့မယ်ဆိုတဲ့ဥစ္စာဒီနေ့စိတ် မွေးရလိမ့်မယ် … (မှန်လှပါဘုရား) မမွေးသင့်ဘူးလား… ( မွေးသင့်ပါတယ်)။
ကိုင်း… ဒါဖြင့် ဘယ်သူဖျက်လို့မပျက်၊ ဘယ်မရဏတွေမှလဲ မကြောက်ရ၊ဘယ်ကိုးဆယ့်ခြောက်ပါးတွေမှလဲ မမွှေနှောက်နိုင် တဲ့ နိဗ္ဗာန်ဆိုတဲ့ဥစ္စာဖြင့် တစ်ခါခိုကိုးမိမယ် ဆိုရင်ဖြင့် ဒကာကြွယ်ရေ ဘယ်သူမှ လှုပ်ချောက်ချားလို့မရဘူး… (မရပါဘုရား) ။
အဲဒီတော့ …ဒီခိုကိုးရာရောက်မှဘဲ ကျုပ်တို့စိတ်ချ လက်ချနေလို့ရမယ်…(မှန်ပါ့ဘုရား) ဒီခိုကိုးရာမရောက်သရွေ့  ကာလပတ်လုံးဖြစ်ခဲ့လို့ရှိရင် နတ်ပြည်ကျပြန်တော့လဲ အိုဘေး၊ နာဘေး၊သေဘေးကရှိ … (ရှိပါတယ်ဘုရား) လူ့ပြည်ကျပြန်တော့လဲ အိုဘေး၊နာဘေး(ရှိပါတယ်ဘုရား) ဗြဟ္မာပြည် ခိုကိုးလိုက်မယ်ဆိုပြန်တော့လဲ … (အိုဘေး၊နာဘေး ရှိပါတယ်ဘုရား)။
သြော်… ဒါဖြင့်ယာယီ ခိုကိုးရာတွေပါကလားဆိုတာ ဆုံးဖြတ်ချက်ချ..(မှန်လှပါဘုရား) ဘယ်လိုဆုံးဖြတ်ချက်ချမလဲ…(ယာယီခိုကိုးရာတွေပါဘုရား)ယာယီခိုကိုး ရာကတော့ အလကားပါ ပဲကွာ…ယနေ့ကစပြီး ယာယီခိုကိုးရာကတော့ အလကားပါပဲဟေ့ -(မှန်ပါ့) အမြဲတမ်းခိုကိုးရာမှပဲ စိတ်ချရမှာပဲဟေ့.- (မှန်ပါ့) ရှင်းကြပလား… (ရှင်းပါပြီ) ဘာရှာဖို့ အချိန်ရောက်သလဲ.. (အမြဲတမ်း ခိုကိုးရာရှာဖို့အချိန်ရောက်ပါပြီဘုရား)။
အမြဲတမ်းခိုကိုးရာ
အဲဒါ… ဘုရားသခင်ကိုယ်တော်မြတ်ကြီးက အတ္တဒီပါဘိက္ခဝေ ၀ိဟရထ၊အတ္တသရဏာ အနညသရဏ ဓမ္မဒီပါ ဓမ္မသရဏာ… တဲ့၊ ဓမ္မပဲအားကိုးကြဟေ့…(မှန်ပါ့) ဓမ္မပဲအားကိုးကြဆိုတာ နိဗ္ဗာန်ဓမ္မပဲအားကိုးကြ… (မှန်ပါ့)။
နိဗ္ဗာန်ဓမ္မသည်သာလျှင်… ဒကာ ဒကာမတို့ ၉၆-ပါး နဲ့လည်းသူမဆက်သွယ်ဘူး…(မှန်ပါ့ဘုရား) အိုဘေး၊ နာဘေး၊ သေဘေးနဲ့လဲ(မဆက်သွယ်ပါဘုရား)မင်းဘေး၊ စိုးဘေး၊ သူခိုးဘေးနဲ့လဲ… (မဆက်သွယ်ပါဘုရား)။
သြော်… ဒါဖြင့် အဲဒီဓမ္မပဲ ကျုပ်တို့အားကိုးမှသာလျှင် ဦးဘအုန်းရေ အခြေခိုင်တော့မယ်(မှန်ပါ့ဘုရား) ဒီ့ပြင်ဟာ အားကိုးလိုက်လို့ရှိရင်ဖြင့် အခြေမခိုင်ဘူး… (မှန်ပါ့) အခြေမခိုင်တော့ နှစ်၊ကြာလေကြောက်စရာကောင်းလေ-(မှန်ပါ့ဘုရား) နှစ်၊ကြာလို့ရှိရင်တော့ဆွေးတော့မှာပဲ၊ ပျက်တော့မှာပဲ၊ ပျောက်တော့မှာပဲဆိုတဲ့ဥစ္စာ ပါလာတယ် (မှန်ပါ့)။
အဲဒါကြောင့်… အခြေခိုင်တာကိုဖြင့် ဒကာ ဒကာမတွေအားကိုးရာရှိကြပါစေဆိုပြီးသံယုတ်ပါဠိတော်မှာ အတ္တဒီပါဘိက္ခေ၀၀ိဟရထ အတ္တသရဏာ အနညသရဏာ ဓမ္မဒီပါ ဓမ္မသရဏာ…တရားပဲအားကိုးကြ၊တရားပဲပုန်းအောင်းကြဟေ့… ဒီ့ပြင်ဟာတွေကယာယီတွေဟ …လို့ အင်မတန် ဆုံးမတော်မူတယ် … (မှန်လှပါဘုရား)။
ဒါ့ကြောင့် ဘုန်းကြီးတို့ ဒကာ ဒကာမတွေ ဓမ္မပဲအားကိုးရမယ်… (မှန်ပါ့) ဘယ်ဓမ္မတုန်း.. လို့မေးတဲ့အခါကျတော့ ဓမ္မတွေကလဲ အပါယ်သွားတဲ့ ဓမ္မကလဲရှိသေးတယ်…(မှန်ပါ့) သုဂတိ-ဗြဟ္မာ့ပြည်သွားတဲ့ဓမ္မတွေလဲရှိသေးတယ်.. (ရှိပါတယ်ဘုရား)။
ဘယ်တရားဓမ္မအားကိုးကြမယ်
အဲဒီတော့ ဒီဓမ္မတွေလဲ အသာထားပြီး သကာလ စိတ်မချရတဲ့ ဓမ္မတွေပဲဆိုပြီးသကာလ မဂ္ဂင်ရှစ်ပါးဓမ္မတရားကိုသာလျှင် မလှုပ်နိုင်တဲ့နိဗ္ဗာန်- မဖြုတ်နိုင်တဲ့နိဗ္ဗာန်-မပျက်စီးနိုင်တဲ့ နိဗ္ဗာန်ရောက်အောင် ပို့နိုင်တဲ့တရားဖြစ်လေသောကြောင ယခုအချိန်မှာ ဒီဓမ္မကိုပဲ ကိုယ့်ဝမ်းထဲမှာထားပြီး ကိုးစားရမယ်ဆိုတာ…သတိပေးလိုက်ပါတယ်…(မှန်ပါ့)။
ကိုယ့်ဝမ်းထဲမှာထားပြီးဒီဓမ္မပဲ အားကိုးကြပါဆိုတာ သတိပေးရတယ်… (မှန်ပါ့) ဒီ့ပြင် ဓမ္မတွေကတော့ဖြင့်အထိမခံ ရွှေပန်းကန်တွေလို့မှတ်ထားလိုက်စမ်းပါ…(မှန်လှပါဘုရား)။
ဦးဘအုန်း ကျေနပ်ပြီ… (ကျေနပ်ပါပြီဘုရား) ဘယ်ဓမ္မအားကိုးကြမယ်… (နိဗ္ဗာန်ပို့မည့်ဓမ္မအားကိုးကြရပါ မယ်ဘုရား) အားကိုးလို့ရှိရင် မခိုင်-မမြဲသလို ဒကာ ဒကာမတို့ သစ်ပင်တက်ပုဂ္ဂိုလ်လိုပေါ့နော်… (မှန်ပါ့) သစ်ကိုင်းခြောက် သွားပြီးအားကိုးလောက်တယ်ဆိုပြီးဆွဲလိုက်မယ်ဆိုရင် သူပျက်စီးတာနဲ့ ကိုယ်ပါပျက်စီးရတယ်… (မှန်ပါ့)။
အဲဒီတော့ နတ်ပြည်ဗြဟ္မာ့ပြည်တွေဟာ သစ်ကိုင်းခြောက်နဲ့ တူတယ်ကွ… (မှန်လှပါဘုရား)တကယ်အားကိုးလို့မရဘူးကွ-တော်တော်ကြာကျလို့ရှိရင်ပြုတ်ကျတာပဲဆိုတော့ … ဒကာကြွယ်ရေ… နိဗ္ဗာန်ဓမ္မပဲ အားကိုးရမယ်… (မှန်လှပါဘုရား) ။
နိဗ္ဗာန်ဓမ္မသည် ဘယ်လိုမှ ကျိုးတယ်၊ပေါက်တယ်၊ ပျက်တယ်မဟုတ်ပါဘူး… (မှန်ပါ့) သို့သော်လဲ သူ့ကိုပဲ အားကိုးကြပါဆိုငြားသော်လဲ သူ့ပို့တဲ့တရားကိုရှေးဦးစွာ အားကိုးရမယ်
(မှန်လှပါဘုရား) သူပို့တဲ့တရားက မဂ္ဂင်ရှစ်ပါး … (မှန်လှပါဘုရား) ။
မဂ္ဂင်ရှစ်ပါးကို အားကိုးကြပါ
ဒကာ ဒကာမတို့… အားကိုးရာအစစ် ပို့နိုင်တဲ့တရားက ဘယ်သူပါလိမ့်… (မဂ္ဂင်ရှစ်ပါး ပါဘုရား) ကဲ ဒါဖြင့်အဲဒီဓမ္မကိုစ ပြီးအားကိုးကြပါ…(မှန်လှပါဘုရား)။
ဒီဓမ္မတရားကိုစပြီးအားကိုးလိုက်ပြီဆိုမှဖြင့်ဒကာကြွယ်တို့ ဦးလှဘူး တို့ရောက်အောင် ပို့လိုက်တယ်… (မှန်ပါ့)ဒါကြောင့် မဂ္ဂင်ရှစ်ပါးဓမ္မတရားကိုဖြင့် ဒကာ ဒကာမတို့ အမြဲတမ်းအားကြို ကပါ၊သူသာလျှင် ခုနင်ကမကျိုး၊ မပျက်တဲ့နေရာအရောက်ပို့နိုင်တဲ့တရားဖြစ်လေသောကြောင့် သူ့ကိုပဲ ကျုပ်တို့ဓမ္မဒီပါ ဓမ္မသရဏာဆိုတဲ့ အတိုင်းဒီဓမ္မပဲ ကျွန်းကြီးသဖွယ် အောက်မေ့ရမယ် (မှန်ပါ့) ဒီဓမ္မပဲ ကိုးကွယ်ရာလုပ်ရမယ် … (မှန်ပါ့) ရှင်းပါပြီ… (ရှင်းပါပြီဘုရား) ဒါဖြင့် မဂ္ဂင်ဓမ္မ အားကိုးကြ (မှန်ပါ့)။
ဒကာ ဒကာမတို့ ဘာအားကိုးကြမယ်….(မဂ္ဂင်ဓမ္မအားကိုးကြရပါမယ်ဘုရား)မဂ္ဂင်ဓမ္မပဲ ဦးဘအုန်းရေ … အားကိုးမှပဲ.. (မှန်ပါ့) မဂ္ဂင်ဖောင်ကြီးမဂ္ဂင်ရထားပဲရယ်လို့ဘုရားကအမျိုးမျိုးဟောတယ် (မှန်လှပါဘုရား) ။
အဲ…အမျိုးမျိုးဟောပြီးသကာလနေတော့ သြော်… သူသည် မပြိုမပျက်နိုင်တဲ့နေရာ ပို့တဲ့တရား ပါလားဆိုတဲ့ ဥစ္စာဖြင့် မောင်ဘသော်တို့ သေချာပါပြီ ….(သေချာပါပြီဘုရား) ။
ကိုင်း…ဒါဖြင့် မဂ္ဂင်ဓမ္မလဲ ဘယ်လိုလုပ်မှ တပည့်တော်တို့ရမာပါလဲလို့ မေးတဲ့အခါကျတော့မဂ္ဂင်ဓမ္မဟာလဲ ဦးဘအုန်း အလိုလိုပေါ်လာတဲ့ဓမ္မမဟုတ်ဘူး… (မှန်လှပါဘုရား) ။
အားထုတ်ယူရမည့် မဂ္ဂင်ဓမ္မ
အလိုလိုပေါ်လာတဲ့ဓမ္မမဟုတ်ပါဘူးဒကာကြွယ်ရ၊ အားထုတ်ယူရတဲ့ဓမ္မပါ… (မှန်လှပါ) သဘောကျပလား… (ကျပါပြီ ဘုရား) ။
မဂ္ဂင်ဓမ္မဟာလဲ အလိုလိုပေါ်လာတာလားအားထုတ်ယူရမှာလား -(အားထုတ် ယူရမှာပါဘုရား) အားထုတ်ယူရမှာဆိုတာ ရှင်းရှင်းလင်းလင်းမှတ်ထားပါ(မှန်လှပါဘုရား) ။
အဲဒီတော့ ဒီမဂ္ဂင်ဓမ္မကလဲ ဘယ်လိုအားထုတ်ရမှာတုန်း… လို့မေးတော့မှ ဟာ… မဂ္ဂင်ဓမ္မဆိုတာ သတိပဋ္ဌာန်အလုပ်-လုပ်လို့ရှိရင်ဖြင့် မဂ္ဂင်ဓမ္မပေါ်လာတာပဲ …. (မှန်ပါ့ ) ။
သတိပဋ္ဌာန်အလုပ်- လုပ်လို့ရှိရင် …မဂ္ဂင်ဓမ္မပေါ်လာပါ တယ်ဘုရားမဂ္ဂင်ဓမ္မပေါ်လာတာပဲလို့ဆိုတာ သေသေချာချာမှတ်ပါ… (မှန်ပါ့) ။
သတိပဋ္ဌာန်အလုပ်- လုပ်လို့ရှိရင် (မဂ္ဂင်ဓမ္မ ပေါ်လာပါတယ်ဘုရား)မဂ္ဂင်ဓမ္မပေါ်လာတယ်ဆိုတာ သေသေချာချာမှတ်ထားလိုက်စမ်းပါ… (မှန်ပါ့) ။
အဲဒီတော့ မဂ္ဂဓမ္မသည်ကားလို့ဆိုရင်ဖြင့် နိဗ္ဗာန်လဲပို့တယ်၊ ရန်သူတွေလဲသတ်တယ်…(မှန်လှပါဘုရား) နိဗ္ဗာန်ကိုလဲ (ပို့ပါတယ်ဘုရား)ရန်သူတွေလဲ … (သတ်ပါတယ်ဘုရား)။
သြော်… ဒါဖြင့် ရန်သူနိုင်တာလဲ သူပဲ… (မှန်ပါ့) မကျိုးမပျက်ပဲ ပို့တာလဲ (သူပါပဲဘုရား) ကိလေသာ ရန်သူတွေ သတ်တာလဲ (သူပါပဲဘုရား)မကျိုး၊မပျက်၊မပျောက်တဲ့ နိဗ္ဗာန်ပို့တာလဲ … (သူပါပဲဘုရား)။
သြော်… ဒါဖြင့် ဒကာ ဒကာမတို့ ကိုးစားရာ အစစ်ဟာဖြင့် ဦးဘအုန်းတွေ့ပြီဗျာ…. (တွေ့ပါပြီဘုရား)အဲဒီတော့…ဒီတရားပဲ ကျုပ်တို့တွေ့ပြီးသကာလနေတော့ ဒါကလေးကိုယ်ပိုင်ရဖို့ အလုပ်ဟာ ကျုပ်တို့အရေးကြီးတယ်…(မှန်ပါ့ဘုရား) ဒါကလေးကိုယ်ပိုင်ရဖို့အလုပ် ဟာ အလွန်အရေးကြီးတယ်ဆိုတာ ဒကာ ဒကာမတွေ ရှင်းရှင်းလင်းလင်းမှတ်ပါ… (မှန်ပါ့ဘုရား)။
အလွန်အရေးကြီးပါတယ်နော်… (မှန်ပါ့) ဘယ်လို အရေးကြီးသလဲလို့မေးတဲ့ အခါကျတော့ မဂ္ဂင်ဓမ္မဆိုတဲ့ဥစ္စာ ဒကာ ဒကာမတို့ ၂-နံပါတ်က ရုပ်နာမ်တွေ ရှိပါတယ်ဆိုတဲ့ဥစ္စာ ပဋိစ္စသမုပ္ပါဒ်မှာဒကာ ဒကာမတွေ မြင်ပါပြီ… (မြင်ပါပြီဘုရား) ၂-နံပါတ်မှာလဲ ရှိတဲ့ ရုပ်နာမ် ဓမ္မတွေ မတွေ့ဘူးလား (တွေ့ပါတယ်ဘုရား)။
အဲဒီ ၂-နံပါတ်ရှိတဲ့ရုပ်နာမ်ဓမ္မတွေကိုလဲ ကြည့်တတ်ရင် မဂ္ဂင်ဓမ္မပေါ်လာတယ်…(မှန်ပါ့) အရိယာမျက်လုံးတပ်ပြီး ကြည့်လိုက်လို့ရှိရင် … (မဂ္ဂင်ဓမ္မပေါ်လာပါတယ်ဘုရား) ။
သြော်…. ဒါဖြင့် မဂ္ဂင်ဓမ္မဆိုတာလဲသူတော်ကောင်းမျက်လုံး အရိယာတို့၏မျက်လုံး၊ ဒီမျက်လုံးနဲ့ ကြည့်မှပဲ မဂ္ဂင်ဓမ္မကလဲ ပေါ်တယ်… (မှန်ပါ့)။
မဂ္ဂင်ဓမ္မက အလိုလိုပေါ်လာတာလား၊ သူတော်ကောင်းမျက်လုံး၊ အရိယာမျက်လုံးတပ်ကြည့်မှပေါ်လာတာလား (သူတော်ကောင်းမျက်လုံး၊အရိယာမျက်လုံး တပ်ကြည့်မှ ပေါ်တာပါဘုရား) ။
ဘယ်အကျိုးငှာတရားနာကြတာတုံး
အဲဒါကြောင့် အခုတရားနာကြတဲ့ ဒကာ ဒကာမတို့ ဘယ်အကျိုးငှာ နာကြတာတုံး ဆိုလို့ရှိရင်ဖြင့် မဂ္ဂင်ဓမ္မပေါ်အောင်လို့နာကြတာပဲ… (မှန်ပါ့) ပွားများကြတာလဲ မဂ္ဂင်ဓမ္မပေါ်အောင်လို့ ပွားများကြတာပဲ …. (မှန်ပါ့) ။
သို့သော် ဆရာဘုန်းကြီးက သူတော်ကောင်းမျက်လုံးတပ်ပေးလိုက်ချင်တယ်…( မှန်ပါ့) တပ်ပေးလိုက်တော့ သူတော်ကောင်းမျက်လုံးရတော့ ရင့်ကျက်လာတော့ အရိယာမျက်လုံးဖြစ်လာတယ်.. (မှန်ပါ့) ။
အဲဒီ မျက်လုံးတွေကို သူတော်ကောင်းမျက်လုံး ရှေးဦးစွာ တပ်ပြီး ရင့်ကျက်လာလို့ အရိယာမျက်လုံးဖြစ်အောင် ဒကာ ဒကာမတွေက ကြိုးစားလိုက်ပြီဆိုမှဖြင့် မဂ္ဂင်ဟာ ပေါ်လာတယ်… (မှန်ပါ့)ရှင်းပလား…( ရှင်းပါပြီဘုရား) ။
မဂ္ဂင်ပေါလာသည်နဲ့တပြိုင်နက်တည်းတဲ့ဒီဘက်မှာ တဏှာဥပါဒါန်တိ့ သောက၊ပရိဒေ၀တို့ လာသေးသလား … (မလာပါဘုရား)။
၂-နံပါတ်လဲမလာ၊ ၃-နံပါတ်လဲမလာ၊ ၄-နံပါတ်လဲမလာ (မှန်ပါ့ဘုရား) ၃ - နံပါတ်မလာတာလဲဘယ်သူကြောင့်တုန်း.. (မဂ္ဂင်ကြောင့်ပါ)၄ - နံပါတ်တွေကအဆက်ပြတ်သွားတာ.. (မဂ္ဂင်ကြောင့်ပါဘုရား)။
သြော်… ဒါဖြင့် မဂ္ဂင်ဓမ္မကသတ်တာ ဒီဘတ်က သမုဒယသစ္စာ ကိုလဲသတ်တယ် ၊လာလတ္တံ့ဒုက္ခသစ္စာတွကိုလဲ သတ်တယ် …… (မဂ္ဂင်ဓမ္မပါဘုရား) ။(မှန်ပါ့)ဘယ်သူပါလိမ့်
အားကိုးရာတစ်ခုလုပ်ထားပါ
ဒါ့ကြောင့် ဘုရားသခင်ကိုယ်တော်မြတ်ကြီးက ဒကာကြွယ် အားကိုးရာတစ်ခုလုပ်ထားပါ… တဲ့ (မှန်ပါ့)ဒကာ ဒကာမတို့ အားကိုးရာ တစ်ခုဖြင့် (လုပ်ပါဘုရား) ဘယ်သူပါလိမ့်မတုန်း… (မဂ္ဂင်ဓမ္မပါဘုရား)။
အို…ဒါဟာခင်ဗျားတို့ ဦးဘအုန်း ဒီအသံထွက်လာတာကိ အလွန်ကျေးဇူးများပြီး(မှန်လှပါဘုရား) ရှေးတုန်းကတော့-ဒကာကြွယ်တို့ ဒီလိုဗဟုသုတကြီးကြီးကျယ်ကျယ် မရှိခင်တုန်းက ကိုယ်ပြုထားတဲ့ ကျောင်းကန်ဘုရားကလေး သူအားကိုးလိမ့်မယ် (ကိုးပါတယ်ဘုရား)ဒါကလေး နတ်ပြည်ပို့မှာကိုးဗျ… (မှန်ပါ့ဘုရား) ။
အင်း….ကိုယ်ဆောက်တည်ထားတဲ့ တရားကလေးလဲ အားကိုးလိမ့်မယ်.. (အားကိုးပါတယ်ဘုရား) ။
အင်း… ဒါကလေးတွေကလဲ မဂ္ဂင်ကမဟုတ်သေးတော့ သူတို့ ပို့တော့ပို့မှာပဲ ယာယီခိုကိုးရာ … (မှန်ပါ့)။
ဘယ်လိုဆိုကြမယ် ( ယာယီခိုကိုးရာပို့ပါမယ်ဘုရား) ယာယီ ခိုကိုးရာပဲပို့မယ် … (မှန်ပါ့)အမြဲတမ်းခိုကိုးရာတော့ (မပို့နိုင်ပါဘုရား)။
မဂ္ဂင်ကမှနိဗ္ဗာန်ပို့တယ်
အင်း …ဒါကြောင့် ဘုန်းကြီးက အရင်းထားပြီးဒကာ ဒကာမတွေ အမှန်အကန်ပြောတော့ဒကာ ဒကာမတွေ မဂ္ဂင်မှ နိဗ္ဗာန်ပို့တယ်… (မှန်ပါ့) သူပို့လိုက်တဲ့ နေရာကတော့ ပျက်ခြင်း ပြိုခြင်း၊ပျောက်ခြင်းမရှိပါဘူး….(မရှိပါဘုရား) သဘောကျပလား….( ကျပါပြီဘုရား)။
ဒါဖြင့် သူ့အားကိုးရမယ်ဆိုတဲ့အတိုင်းစောစောက ပြောလိုက်တာလဲဒကာကြွယ်-ဦးဘအုန်းတို့ ကျေနပ်လောက်အောင်သဘောကျတယ် … (ကျပါတယ်ဘုရား) ။
ဒီ့ပြင်ဟာတွေက ယာယီခိုကိုးရာတွေ… (မှန်ပါ့) ရှင့်ပလား (ရှင်းပါပြီ) ဘယ်နှယ့်ကြောင့်ဒီမဂ္ဂင်ဓမ္မကို ခိုကိုးကြပါလို့ ဆိုသတုံး……. (မှန်ပါ့)။ဆိုတော့ ဒီနေရာမှာ ဒကာ ဒကာမ တွေက ဒီခန္ဓာတွေက ဒုက္ခသစ္စာလို့ မှန်မှန်ကန်ကန် သိမယ်၊ ၂-နံပါတ်တွေကိုနော်
၂- နံပါတ်တွေ မှန်မှန်သိတော့ဒီနားမှာ မဂ္ဂင်ကလေး ပေါ်တယ်… (မှန်ပါ့)မဂ္ဂင်ရှစ်ပါးသွားပေါ်တယ်(မှန်ပါ့) ရှုစရာက မဂ္ဂင်ငါးပါးပေါ်တယ်။ နောက်တော့ …ရှုဖန်များတော့ ရှစ်ပါးပေါ်တယ်…(မှန်ပါ့)။
ဒါတွေ ဒုက္ခသစ္စာမြင်လာလို့ရှိရင် ဒါတွေဟာ ဒုက္ခသစ္စာတွေပင်ကိုကဒုက္ခသစ္စာတွေ ပင်ကိုက ဒုက္ခသစ္စာပဲ … (မှန်ပါ့) ဒီမှာကြည့်ပါလားဒုက္ခသစ္စာ…. (မှန်ပါ့)။
ပင်ကိုက ဒုက္ခသစ္စာကို ဒကာ ဒကာမ တွေကကိုယ့်ဥာဏ်ထဲ ဒုက္ခသစ္စာမြင်လာလို့ရှိရင် ဒီဘက်က ကိလေသာတွေလဲ သူဖြတ်ပါတယ် … (ဖြတ်ပါတယ်ဘုရား)ဒီနားပေါ်တဲ့ မဂ္ဂင်ကလေ…. (မှန်ပါ့)ဒီဘက်ကနိဗ္ဗာန်ကော…. (ပို့ပါတယ.်ဘုရား)။
သြော် - ဒါဖြင့် မဂ္ဂင်သည် ဒကာ ဒကာမတို့၃- နံပါတ်ကိုလဲ မလာစေ….(မှန်ပါ့) ၂ -နံပါတ်ဖုံးနေတဲ့ နိရောဓသစ္စာ… ဆိုတဲ့ နိဗ္ဗာန်ကိုလဲ အရောက်ပို့တယ် ….(ပို့ပါတယ်ဘုရား)။
ဒါဖြင့် ကိလေသာရန်သူကို ဖြတ်တ်ာလဲ မဂ္ဂင်ပဲ …. (မှန်ပါ့) ဒီနေရာ မဂ္ဂင်ပေါ်ရမယ်…. (မှန်ပါ့) သူ့ဖြစ်ပျက်ရှုရမှာကိုး ….. (မှန်လှပါ)။
အဲဒီတော့ ဒီကိလေသာရန်သူတွေဖြတ်တာကော… (မဂ္ဂင်ပါဘုရား) ဖြစ်ပျက်ရှုလိုက်တဲ့ အခါကျတော့ ဒီဘက်ဝေဒနာ နီရောဓာ၊တဏှာ နိရောဓော၊နိဗ္ဗာနံ ပို့လိုက်တာကော …. (မဂ္ဂင်ပါဘုရား)။
မဂ္ဂင်သည် အလွန်ကျေးဇူးများတယ်
သြော်… ဒါဖြင့် ဒကာကြွယ် -နေရာကျပြီ (ကျပါပြီဘုရား) ကိလေသာရန်သူတွေဖြတ်တာလဲ မဂ္ဂင်ပဲ (မှန်ပါ့) ရှင်းပလား (ရှင်းပါပြီ) မပြိုမပျက်တဲ့နိဗ္ဗာန်ပို့တာလဲ (မဂ္ဂင်ပါဘုရား)။
သြော် …. မဂ္ဂင်သည်ကားလို့ဆိုလို့ရှိရင် ဒကာ ဒကာမ တို့ အလွန်ကျေးဇူးများတယ်ဆိုတာ ပေါ်လာပလား…. (ပေါ်လာပါပြီဘုရား)။
ကိလေသာရန်သူဖြတ်တာလဲ .. (မဂ္ဂင်ပါဘုရား)နိဗ္ဗာန်ကို ရောက်ကြောင်းအဖြစ်နဲ့ပို့တာလဲ… (မဂ္ဂင်ပါဘုရား)။
အဲဒီမဂ္ဂင်ကလေးဖြင့် ဘုရားသခင်ကိုယ်တော်မြတ်ကြီးက ဓမ္မဒီပါ၊ ဓမ္မသရဏာ ၊ ဒီတရားပဲ ကျွန်းကြီးသဖွယ်အားကိုးကြ၊ ဒီတရားပဲ တောင်ကြီးသဇွယ် ခိုအောင်ကြကွဲ့ …. (မှန်ပါ့ဘုရား) ဆိုတော့ မဂ္ဂင်အရေးကြီးပုံဖြင့် ယနေ့ဒကာကြွယ်ရေ -ကောင်းကောင်းပေါ်သွားပြီ… (ပေါ်ပါပြီဘုရား)။
အဲဒီတော့ အားလုံး တရားနာလာကြတဲ့ ဒကာ ဒကာမတွေ ပွားများယူလိုက်ရင် မဂ္ဂင်ပေါ်တာပါပဲ….(မှန်ပါ့) ပွားများယူလိုက်ရင် … (မဂ္ဂင်ပေါ်ပါတယ်ဘုရား) ။
၂- နံပါတ်ထဲက တရားတွေ အခုစိတ်ရှုလိုက်ဖြစ်ပျက်မြင် ဖြစ်ပျက်က အနိစ္စ၊မြင်တာကမဂ္ဂ ….(မှန်ပါ့ဘုရား) ဝေဒနာ ရှုတဲ့ပုဂ္ဂိုလ်က ဝေဒနာကဖြစ်ပြီးပျက်လို့ အနိစ္စ… (မှန်ပါ့) မြင်တာက မဂ္ဂဆိုတော့ မဂ္ဂင်ဆိုတာ ၀မ်းထဲရောက်ပြီ … (ရောက်ပါပြီဘုရား) မရောက်ဘူလား…. (ရောက်ပါပြီ)။
မဂ္ဂင်ရောက်ပြီးသကာလ လာတော့ ရှေ့တွင်ပဲပြလိုက်တော့ ဒီဘက်က၃-နံပါတ် ကိလေသာ,တဏှာ,ဥပါဒါန်,ကံတွေကော …(မလာပါဘုရား) မလာဘူး၊ ဒါ,မဂ္ဂင်ကဖြတ်လိုက်တာ (မှန်ပါ့) ။
နောက် - မဂ္ဂသစ္စာတွေ ချက်ချင်းရော်ကလာတော့ နိရောဓသစ္စာဘက် ပို့လိုက်တယ်ဆိုတာကော… (မဂ္ဂင်ဓမ္မပါဘုရား)။
ဒါဖြင့် ဒီဟာ…အားကိုရာမရှိတဲ့ပုဂ္ဂိုလ်များမှာ နိဗ္ဗာန်မရောက်သေးဘူး… (မရောက်သေးပါဘုရား)။
ဒီဟာအားကိုးရာမရှိတဲ့ ပုဂ္ဂိုလ်များမှာ…(နိဗ္ဗာန်မရောက်ေ သးပါဘုရား)။
သြော်…ဒါဖြင့်ဒကာကြွယ်ရေ … နတ်ပြည်,ဗြဟ္မာ့ည်တွေကြို ဖင့် သွားပြီးသကာလ သစ်ပင်တတ်တဲ့လူက သစ်ကိုင်းခြောက် ဆွဲသလို ကျိုးကျမှာစိုးရိမ်ရတယ်… (မှန်ပါ့ဘုရား)ကျိုးတတ်တဲ့ ဓမ္မတွေကိုး(မှန်လှပါဘုရား)ပျက်တတ်တဲ့ ဓမ္မတွေကိုး (မှန်လှပါဘုရား)။
အားကိုးမလွဲပါစေနဲ့
အဲဒါတွေကြောင့် အားကိုးမလွဲပါစေနဲ့ ဆိုတာကို ဦးဘအုန်း သတိပေးရတယ် -(မှန်ပါ့) အားကိုးမလွဲပါစေနဲ့ဆိုတာ (သတိပေးရပါတယ်ဘုရား) ဘာကြောင့်တုံးမခိုင်လို့ (မှန်ပါ့) သဘောပါပလား (ပါ-ပါပြီ) မခိုင်တာအားကိုးလို့ရှိရင် မခိုင်သလို ကိုယ်နစ်နာလိမ့်မယ် (မှန်ပါ့)။
မခိုင်တာအားကိုးရင် …(မခိုင်သလို နစ်နာမှာပါဘုရား ) မခိုင်သလိုနစ်နာရမယ်ဆိုတဲ့ ဥစ္စာ မသေချာဘူးလား (သေချာပါတယ်ဘုရား) ။
အေး…ဒါ့ကြောင့် မဂ္ဂင်အလုပ်ကလဲ ဆုတောင်းလို့မရ ၂ -နံပါတ်တွေကို ဖြစ်ပျက်မြင်မျ ၀မ်းထဲမှာ မဂ်ဝင်တယ်…. (မှန်ပါ့ဘုရား)။
၂- နံပါတ်တွေဖြစ်ပျက်မြင်မှဝမ်းထဲရောက်လာတယ်(မှန်ပါ့) နို့မဟုတ်လို့ရှိရင်ဖြင့် မဂ္ဂင်ရောက် လာပါ့မလား… (မရောက်လာပါဘုရား)။
မရောက်လို့ရှိရင်လဲ ကိလေသာရန်သူ မဖြစ်နိုင်တာလဲ သူပဲ … (မှန်ပါ့) နိဗ္ဗာန်မပို့နိုင်တာလဲ သူမရလို့ပဲ …. (မှန်ပါ့) သဘောကျပြီ … (ကျပါပြီ)။
ကိလေသာရန်သူမဖြတ်တာလဲ မဂ်မရလို့ (မှန်ပါ့) နိဗ္ဗာန် မရောက်တာလဲ…(မဂ်မရလို့ပါဘုရား) မဂ်မရလို့ ဆိုတာဖြင့် ဒကာ ဒကာမတို့ သေသေချာချာမှတ်ပါ…. (မှန်ပါ့)။
ကိုင်း…ဒါဖြင့် ၂ -နံပါတ်ရှိတဲ့တရားတွေ ဘာလုပ်ကြမယ် (ဖြစ်ပျက်ရှုရမှာပါဘုရား) ဖြစ်ပျက်ရှုရမှာဆိုတော့ ဒကာကြွယ် ခင်ဗျားတို့က လုပ်ရှုရမှာပါလား၊သူဖြစ်ပြီးပျက်နေတာကို ကိုယ်က ကြည့်ရုံပဲလား… (သူကဖြစ်ပြီး ပျက်နေတာကို ကိုယ်ကကြည့်ရုံပါဘုရား)။
သူကဖြစ်ပျက်ပြမှာပဲဆိုတာ ဒကာ ဒကာမတို့ မှတ်ပါ (မှန့်ပါ့ဘုရား) ကိုယ်က ကြည့်တတ်တဲ့ဥာဏ်နဲ့ ကြည့်လိုက်တဲ့အခါကျတော့ အပျက်မြင်ရင် မဂ်ဝင်လာတယ်မှတ် ပါ… (မှန်ပါ့ဘုရား) အပျက်မြင်ရင် (မဂ်ဝင်လာပါတယ်ဘုရား) အပျက်မြင်ရင် မဂ်ဝင်လာတော့ ကိလေသာရန်သူလဲ ရှိသေးရဲ့လား(မရှိပါဘုရား) သဘောကျပြီ… (ကျပါပြီဘုရား) ။
ဒုက္ခသစ္စာကြီးများချုပ်သွားတော့ … အပျက်တွေမြင်လို့၊ အပျက်တွေမုန်းလို့အပျက်တွေဆုံး သွားတာ ဒုက္ခဆုံးတယ်-(မှန်ပါ့ဘုရား) ဒုက္ခဆုံးသွားပြန်တော့ နိဗ္ဗာန်တွေ့ရတယ်… (မှန်ပါ့) မတွေ့ရဘူလား. (တွေ့ရပါတယ်ဘုရား)။
သြော် … ဒါဖြင့် ကိလေသာ ရန်သူတွေကိုကန့်ကွက်တာလဲ သူပဲ .. (မှန်ပါ့) အပျက်-အဆုံး နိဗ္ဗာန်သို့ပို့တာလဲ - (သူပါပဲ ဘုရား)။
ဒါဖြင့် ဒီအားကိုးလုံးကလေးဖြင့် အားလုံးတရားတစ်ပွဲလုံးပဲ အရယူထားရမယ် အရျယူထားရမယ်ဆို တာဖြင့် စိတ်ထဲမှာ မြဲမြဲစွဲဖို့ကြိုးစားကြပါ… (မှန်လှပါဘုရား)။
ဒါကလေးဖြင့် အရယူမဟေ့၊ ဒါကလေးဖြင့် အရယူမဟေ့ ဆိုတာကိုဖြင့်မရသေးရင် ကြိုးစားလိုက်ပါ.. (မှန်ပါ့ဘုရား) မရသေးဘယ့်နှယ်လုပ်မလဲ… (ကြိုးစားရမှာပါဘုရား)
ကြိုစားလိုက်ပါဆိုတာဘုန်းကြီးများကတိုက်တွန်းရတယ်… (မှန်ပါ့ဘုရား) ။
ခင်ဗျားတို့က ရေနစ်သလိုပဲ
ခင်ဗျားတို့ကတော့ဖြင့် ဘာတွေအားကိုးရမယ်လို့ အစစ်ကိုမသိတော့ ခင်ဗျားတို့က ရေနစ်သလိုပဲ… (မှန်ပါ့)။
ရေနစ်တဲ့ပုဂ္ဂိုလ်ဟာဖြင့် ဦးဘအုန်းဝါးဖောင်တွေ့လဲ ၀ါးဖောင်အားကိုးလိုက်တာပဲ.. (မှန်ပါ့) ငှက်ပျောဖောင်တွေ့လဲ (ငှက်ပျောဖောင်အားကိုးပါတယ်)ရေလယ်မှာ မြက်သစ်ကိုင်းတွေတွေ့ပြန်လဲ…. (မြက် - သစ်ကိုင်း အားကိုးပါတယ်ဘုရား) ။
တစ်ခုမှလဲမခိုင်ဘူး …(မခိုင်ပါဘုရား) ၀ါးဖောင်ကလဲ တော်တော်ကြာ ဆွေးမြေ့ ပြီးသွားမှာပဲ (သွားမှာပါပဲ)ရှင်းပြီ… (ရှင်းပါပြီ)။
ငှက်ပျောဖောင်ကလဲအခွံထဲကရှိတဲ့ရေနဲ့ ပတ်သက်ပြီး ရိညက်ပြီးသွားပြီးသူပါပျက်တာပဲ (မှန်ပါ့) သစ်ခက်တွေ တွေ့ပြန်တော့လဲ ထို့အတူပဲ အားမကိုးလောက်လို့ ပျက်စီးတာပဲ… (မှန်ပါ့)။
အဲ…ခင်ဗျားတို့ နဂိုသိထားတာကတော့အားကိုးမမှန်ဘူး (မှန်ပါ့ဘုရား) ဒကာကြွယ်ဘယ်နှယ့်တုန်း…. (အားကိုးမမှန်ပါ ဘုရား)ဦးဘအုန်းကြီးငယ်ငယ်တုန်းက ကြားထားတာတွေက အားကိုးမမှန်ပဲ …(မှန်လှပါဘုရား)။
ငှက်ပျောဖောင်၊ ၀ါးဖောင်၊ သစ်ခက်ဖောင်တို့ကို ရေထဲနစ်တဲ့ ပုဂ္ဂိုလ်တွေ့သလိုဖြစ်နေတော့ ကိုယ်အားကိုးချင်ရာ အားကိုပြီး ချလိုက်တော့ကို တစ်ခုမှလဲခိုင်တယ်၊ မြဲတယ်ကမတွေ့ (မတွေ့ပါဘုရား)။
အနိစ္စတွေအားကိုးကြတယ်
အဲဒီတော့ကို …ဒကာကြွယ်တို့ သတိပေးချင်တယ်၊ သဗ္ဗေသင်္ခါရာ အနိစ္စတွေအားကိုးလို့တော့ ဘယ်ရမတုန်း… (မရပါဘုရား)။
နတ်ပြည်ဆိုတာလဲ သဗ္ဗေသင်္ခါရာ အနိစ္စ - (မှန်ပါ့) ဗြဟ္မာ့ပြည်ဆိုတာကော … (သဗ္ဗေသင်္ခါရာ အနိစ္စပါဘုရား)။
ဒါက သေသေချာချာ ကြည့်လိုက်တော့မှသြော် … တို့ငယ်ငယ်တုန်းကသူများပြောသံကြားနဲ့ နတ်အားကိုး၊ နတ်တွေအားကိုး, ဗြဟ္မာပြည်အားကိုးနဲ့ အခု သေသေချာချာဆရာဘုန်းကြီးက ဘုရားသခင် ကိုယ်တော်မြတ်ကြီးဟောတဲ့အတိုင်း ညွှန်ပြပြန်တော့ သဗ္ဗေ သင်္ခါရာ အနိစ္စထဲ သူတို့ ပါနေတယ်… (ပါနေပါတယ် ဘုရား)။
နတ်လဲပါတယ်… (မှန်ပါ့) ဗြဟ္မာကော… (ပါ-ပါတယ်ဘုရား) ပါတာကို ဦးဘအုန်းကြီးတို့ကသူများပြောသံကြားနဲ့ အားကိုးလိုက်တော့ဒီအနိစ္စတရားတွေ အားကိုးမိလျက်ကြုနေတယ်- (ကြုံနေပါတယ်ဘုရား) ဘယ်လိုဆိုကြမယ် ( ဒီအနိစ္စတရားတွေအားကိုးမိလျက် ကြုံနေပါတယ် ဘုရား)။
ဟာ…. ဒကာကြွယ် ပြောတတ်ပလားဗျ … (ပြောတတ်ပါပြီဘု ရား) ခင်ဗျားတို့ရှေးကအားကိုးတာကို ကိုယ့်ဥာဏ်နဲ့ ကိုယ်ဆက်တတ်ပလား… (ဆက်တတ်ပါပြီဘုရား) ရှေးကနတ်ပြည် အားကိုးတယ်နော်…(မှန်လှပါဘုရား) ဗြဟ္မာ့ပြည်အားကိုးကြတယ် …… ပါဠိတော်ထဲ သွင်းလိုက်… (သဗ္ဗေသင်္ခါရာ အနိစ္စပါဘုရား) ။(မှန်ပါ့) ကဲ
ကဲ … သူတို့ဟာ သင်္ခါရတရားတွေ (မှန်လှပါဘုရား) သင်္ခါရတရားတွေဆိုတာ လူ့ပြည်ကဒါနနဲ့ ပြုပြင်ထားတာ -(မှန်ပါ့ဘုရား) သီလနဲ့ပြုပြင်ထားတာ (မှန်ပါ့)အဲဒီတော့ သင်္ခါရတရားတွေ ဟိုမှာပေါ်လာတယ် - (ပေါ်လာပါတယ်ဘုရား )။
အဲဒီတရားတွေ သဗ္ဗေ - သင်္ခါရာ အနိစ္စာ … တဲ့၊ မင်းတို့ ပြုပြင်လို့ ပေါ်ထားတာကတော့ကွာ…တဲ့ ၊ ဟိုမှာ ပေါ်ငြားသောလည်းနတ်ဘုံ- နတ်နန်းတွေဟာ အနိစ္စတွေပါတဲ့ ( မှန်ပါ့ ) ရှင်းပလား(ရှင်းပါပြီ) ခင်ဗျားတို့က ဒါနပြုပြင်ထားတာ ကိုး (မှန်ပါ့ ) သီလနဲ့ … ( ပြုပြင်ထားတာပါဘုရား )။
ဒါနနဲ့ ပြုပြင်၊ သီလနဲ့ပြုပြင်ထားတော့ သူတို့ကို ခင်ဗျားတို့ပြု ပင်ထားခြင်းကြောင့် သင်္ခါရတရား …( မှန်ပါဘုရား) အဲဒီမင်းတို့ ပြုပြင်ထားတာကို… တော်တော်ကြာကျတော့ အနိစ္စပဲကါ… ( မှန်ပါ့ )ရှင်းပလား …( ရှင်းပါပြီ ) ။
ဘယ်လိုဆိုကြမယ် … (အနိစ္စတရားပါဘုရား) ရွတ်ပါ- ရွတ်ပါ ခင်ဗျားတို့ ပါဠိနဲ့ ခင်ဗျားတို့ရွတ်ဖတ်နေကြတယ် (သဗ္ဗေ သင်္ခါရာ အနိစ္စပါ ဘုရား) ။
ကဲ … ဒကာကြွယ် ကိုယ်ပြုပြင်ထားတာ ဘာတဲ့ … (သဗ္ဗေ သင်္ခါရာ အနိစ္စပါဘုရား) အဲ …. ကိုယ်ပြုပြင်ထားတာက သဗ္ဗေသင်္ခါရာနော်…( မှန်ပါ့ ) မိမိကဒါနနဲ့ပြုပြင်ထားလိုက်တော့ နတ်ပြည်ဘုံပေါက်တယ်…( မှန်ပါ့ဘုရား ) သီလနဲ့ ပြုပြင်ထားလိုက်တာ နတ်ပြည်အသက်ရှည်ဖို့တွေ ဖြစ်နေတယ်( မှန်ပါ့ )။
အဲဒီအသက်ရှည်နေတဲ့နတ်, အသက်ရှည်တဲ့ ဘုံတွေဟာဘာတဲ့တုန်း (သဗ္ဗေသင်္ခါရာ အနိစ္စပါဘုရား) အဲ -ဒီကပြုပြင်ထားခြင်းကြောင့် ဟိုမှာ အနိစ္စပဲပေါ်တယ် …( မှန်ပါ့ဘုရား ) ။
ပြုပြင်ထားတဲ့တရားဟူသရွေ့ မမြဲဘူး
ဦးဘအုန်းရေ… ဒီကပြုပြင်ထားတဲ့တရားဟူသရွေ့  (ဟိုမှာ အနိစ္စပဲပေါ်ပါတယ် ) အနိစ္စချည်းပေါ်တော့ သစ်ကိုင်းခြောက် ဆွဲမိသလို ဖြစ်နေတယ်( မှန်ပါ့ဘုရား) အနိစ္စချည်းပေါ်တော့ ဘာဆွဲသတုန်း( သစ်ကိုင်းခြောက်ဆွဲမိပါတယ်ဘုရား) ။
ဒါကြောင့် ပြုတ်ကျတယ်…( မှန်ပါ့ ) နတ်သမီးငါးရာတို့ သုဗြဟ္မာနတ်သား၏နတ်သမီးငါးရာတို့သူတို့နဲ့တကွ -အလုံးစုံ ဦးဘအုန်း ပြုတ်ကျတယ် …. (မှန်ပါ့ ) ။
ဟ … ဘယ့်နှယ်ကြောင့်ပါလိမ့်မတုန်းလို့မေးကြရင် ဘယ့်နှယ့်ဖြေကြမလဲ၊ သဗ္ဗေ သင်္ခါရာ အနိစ္စ အားကိုးလို့ …( မှန်ပါ့ )သြော်……( မှန်ပါ့ ) ။အနိစ္စအားကိုးလို့
နောက်က ဒကာ ဒကာမတွေ … ဘယ်လိုမှတ်ကြမယ်… ( အားကိုးမလွဲစေနဲ့ပါဘုရား) ခင်ဗျားတို့နဂိုက မိဘရိုးရာအတိုင်းအားကိုးအားထားတာကတော့ဖြင့် အနိစ္စပဲ အားကိုးထားတယ် ( မှန်ပါ့ဘုရား ) ဦးဘအုန်း - မငြင်းနဲ့တော့ …( မငြင်းပါဘုရား) ။
နဂိုက အားကိုးထားတာကဖြင့် ( အနိစ္စပဲအားကိုးထားပါတယ် ) သဗ္ဗေသင်္ခါရာဆိုတာ ခင်ဗျားတို့ ပြုပြင်တဲ့ဒါနကြောင့် ခင်ဗျားတို့ နတ်ပြည်မှာပေါ်လာတဲ့ ဘုံနန်း- ဗိမာန် ပဒေသာပင်တွေ … ( မှန်ပါ့ )ရှင်းပလား- ( ရှင်းပါပြီ ) အဲဒါတွေဘုရားက ဘာတဲ့တုန်း… ( သဗ္ဗေ သင်္ခါရာ အနိစ္စပါဘုရား) ။
အဲ… မင်းတို့ ပြုပြင်ထားတဲ့ တရားတွေဟာ ဟိုမှာ အနိစ္စတရားသာပေါ်မယ်ကွတဲ့ …(မှန်ပါ့ဘုရား )နိစ္စ -နိဗ္ဗာန်မပေါ်နိုင်ဘူးတဲ့ (မှန်ပါ့ ) ပေါ်နိုင်ရဲ့ လား( မပေါ်နိုင်ပါဘုရား)။
တော်တော်ကြာ …ဘုံပါပျောက်၊ နတ်သမီး၊ နတ်သားတွေ ပျောက် (ပျောက်ပါတယ် )ဟ … ဘယ့်နှယ့်ကြောင် ပျောက်ပါလိမ့် မတုန်းမေးတဲ့အခါကျတော့မှ သဗ္ဗေသင်္ခါရအနိစ္စ အားကိုးကြလို့ (မှန်လှ ပါ ဘုရား) အနိစ္စပြုတ်ကျလိုက်တာ အပါယ်လေးပါးရော ၊လူ့ပြည်ရောဆိုသလိုပဲ …. တဲ့ ၊ ဒကာကြွယ်ရဲ့  အကုန်ပြုတ်ကျတယ်…( မှန်ပါ့ဘုရား) ။
ဘယ်လိုကြောင့်ပြုတ်ကျပါလိမ့် …(သဗ္ဗေ သင်္ခါရာ အနိစ္စ အားကိုးမိလို့ပါဘုရား )သဗ္ဗေသင်္ခါရာ အနိစ္စအားကိုးမိလို့( မှန်ပါ့ ) အဲဒီတော့ယနေ့ကစပြီးတော့ ဘယ်သူကပြောပြောဒ ကာအုန်းတို့ ဒကာကြွယ်မောင်ဘသော်တို့က စပြီးတရား တစ်ပွဲလုံးမယုံကြနဲ့ … (မှန်လှပါဘုရား) ပြုတ်ကျမှာပဲ …( မှန်ပါ့ )။
ဘယ့်နှယ်ကြောင့် ပြုတ်ကျသတုန်းဆိုတော့ သူ့ပါဠိတော် ရွတ်ကြည့်လိုက်ရင် မောင်ဘသော်ပေါ်နေပြီ… (မှန်ပါ့ ) သဗ္ဗေသင်္ခါရာ …… (မှန်ပါ့ ) ပြုပြင်လို့ပေါ်လာတဲ့တရားက… ( အနိစ္စလမ်းဆုံးပါတယ်ဘုရား) ။( အနိစ္စပါဘုရား) ဟိုမှာရှိတာတွေကဒီကပြုပြင်ထား လို့ပေါ်တဲ့ သင်္ခါရတရား ( မှန်လှပါဘုရား )သင်္ခါရတရားဟာ အနိစ္စလမ်းဆုံးတယ်
အဲ… ခင်ဗျားတို့ ဒီကနေကျောင်းကလေးများဆောက်ပြီး နတ်ပြည်ဘုံပေါက်တယ်… (မှန်ပါ့) ခင်ဗျားတို့ ပြုပြင်လိုက်လို ပေါ်လာတယ် (မှန်ပါ့) အင်း… ဒကာကြွယ် …. တော်တော်ကြာတော့အနိစ္စ ရောက်ပါရော ( ရောက်ပါတယ်ဘုရား) အဲဒီတော့ ဒါအားကိုးနေတဲ့ ပုဂ္ဂိုလ်ဟာ ၀မ်းနည်းပက်လက်ဖြစ်ပြီးဘုံပျောက်ပါပေါ့လား … (မှန်ပါ့ ) အင်း -သေရတော့မှာပါပဲလားဆိုပြီးသကာလ နဂိုကအထင်ကြီးနဲ့အားကိုးလိုက်တာ အခုတော့ဖြင့် အနိစ္စရောက်သွားတဲ့အခါ ဒကာကြွယ် ကောင်းသေးရဲ့ လား( မကောင်းပါ ဘုရား) ။
ဒါဖြင့် သစ်ပင်တက်တဲ့ပုဂ္ဂိုလ် သစ်ကိုင်းခြောက်ဆွဲမိလို့ရှိရင် ဦးဘအုန်း ကိုယ်ကျိုးနည်းပြီ … (နည်းပါပြီဘုရား) သစ်ကိုင်းလဲ ကျိုးပေါ့ဗျာ ခန္ဓာလဲကျိုးပေါ့… ( မှန်ပါ့ ) ဒီအတိုင်းပဲ နေလိမ့်မယ်…( နေပါတယ် ဘုရား ) ။
အဲဒါကြောင့် သဗ္ဗေသင်္ခ`ါရာ အနိစ္စကိုဖြင့်အားမကိုးလိုက်ပါနဲ့ ဆိုတဲ့ ဥစ္စာတော့သေသေချာချာ ယနေ့သတိပေးပါတယ် ( မှန်ပါ့ )ရှင်းပလား…. ( ရှင်းပါပြီ )။
ကောင်းပြီ … ဒါဖြင့် ဘာအားကိုးရမှတုန်းလို့ မေးတော့ သင်္ခါရကိုအားမကိုးနဲ့ အသင်္ခတကို အားကိုး (မှန်ပါ့ဘုရား ) သင်္ခါရကိုအားမကိုးပါနဲ့ …( မှန်ပါ့ )အသင်္ခတကို … ( အားကိုးပါတယ်ဘုရား) ။
ဦးဘအုန်း ပေါ်ပလား (ပေါ်ပါပြီဘုရား) အခု ပြုတ်ပြုတ်ကျနြေ ကတာ သင်္ခါရကို အားကိုးကြလို့ …(မှန်ပါ့ ) သင်္ခါရအားကိုးလို က်တော့ ဟိုက အနိစ္စတွေဖြစ်နေတယ် … (မှန်ပါ့) အသင်္ခတ ဆိုတာ ဘယ်သူမှမပြုပြင်ဘဲနဲ့ ဖြစ်တဲ့ နိဗ္ဗာန်ဆိုတော့ ပြုပြင်တဲ့စွမ်းရည်သတ္တိသူ့ကိုဘယ်သူမှ မတတ်နိုင်ဘူး ( မတတ်နိုင်ပါ ဘုရား)။
သဘာဝ ဖြစ်ပြီးသကာလ နိဗ္ဗာန်ရနိုင်တဲ့ပုဂ္ဂိုလ်၏ ပစ္စည်းသာဖြစ်နေတာ… ( မှန်ပါ့ဘုရား) နိဗ္ဗာန်ရထိုက်တဲ ပုဂ္ဂိုလ်ကသွားဆောက်ထားတဲ့နိဗ္ဗာန်တောင် မဟုတ်ဘူး… ( မှန်လှပါ) ရထိုက်တဲ့ပုဂ္ဂိုလ် သူ့ဆီရောက်လာတယ် ( မှန်ပါ့ဘုရား ) ။
ဘယ်သူမှမပြုပြင်ပဲနဲ့ရှိနေတဲ့တရား
ဘယ်သူမှပြုပြင်ထားတဲ့တရားမဟုတ်သောကြောင့် သူက အသင်္ခတတရား….(မှန်လှပါဘုရား )ရှင်းပလား… ( ရှင်းပါပြီ ) ဘာတရားတဲ့ ( အျသင်္ခတရားပါဘုရား) အသင်္ခတတရားဆိုတာ ဒကာ ဒကာမတွေက လေးလေးစားစား မှတ်လိုက်ပါ၊ ဘယ်သူမှ မပြုပြင်ဘဲနဲ့ ရှိနေတဲ့တရား …( မှန်ပါ့ ) ။
ဒါကြောင့် ကြည့်တဲ့လုက အစွမ်းရည်သတ္တိကုန်ရင် သူပျက်တယ်လို့ ဆိုစရာမရှိဘူး (မှန်ပါ့ ) သဘာဝဓမ္မခိုင်မြဲနေတဲ့ တရား (မှန်ပါ့ ) ဒကာကြွယ် ဘယ်လိုတဲ့တုန်း… (သဘာဝ ဓမ္မခိုင်မြဲနေတဲ့တရား ပါဘုရား) ။
အဲဒါကပြုပြင်လို့ပေါ်လာတာလား၊သူ့သဘောနဲ့ သူခိုင်မြဲနေတာလား
