စွန့်နိုင်ခဲသောအာသာ(၂)မျိုး

စွန့်နိုင်ခဲသောအာသာ(၂)မျိုး" •••••••••••••••••••••••••••••••• မြတ်စွာဘုရားရှင်ကလောကမှာ သတွာတွေ စွန့်ပယ်နိုင်ဖို့ခက် နေတဲ့အလိုအာသာနှစ်မျိုးရှိတယ်လို့ အင်္ဂုတ္တရနိကာယ်၊ဒုကနိပါတ်တော်မှာမိန့်တော်မူထားပါတယ်။

✿(၁) လာဘာသာ-ရလိုတဲ့အာသာ ✿(၂) ဇီဝိတာသာ-နေလိုတဲ့အာသာ

ဒီအာသာနှစ်မျိုးဟာ ကိလေသာထူပြောကြတဲ့ သက်ရှိလောကသားတွေကို လွှမ်းမိုးဖိစီးထားတာမို့ စွန့်ပယ်နိုင်ဖို့ခက်ခဲနေသတဲ့။

(၁) ရလိုတဲ့အာသာ။ -------------------------------ရလိုတဲ့အာသာဆိုတာကိလေသာသဘောကို ဆောင်နေသမျှ အေးချမ်းမှုကို ဘယ်တော့မှ မပေးနိုင်ပါဘူး။ ဘာကိုပဲ ရချင်ရချင်၊ ကိုယ်ရချင်ပြီဆိုတဲ့ ချင်ခြင်းဒီအာသာကို ဖြတ်နိုင်ဖို့ ခက်နေတက်ပါတယ်။ အာသာစိတ်ရဲ့ အပြစ်ကိုလည်းမမြင်၊ အာသာရှိရာ အာရုံရဲ့အပြစ် ကိုလည်းမမြင်၊ ထိုအာသာအမှောင် ဖုံးနေပြီဆိုရင်စွန့်ပယ်ဖို့ ပိုပြီးတော့ ခက်ခဲပါတယ်။ ဘယ်အရာမဆို အပြစ်ကိုမြင်အောင် ကြည့်တက်ရင်တော့ တဖြည်းဖြည်းနဲ့ စွန့်ပယ်လာနိုင်ပါလိမ့်မယ် ။

✿တကယ်တော့ အာသာဆိုတာ "လောဘတဏှာ"ပဲမို့ဒုက္ခပေးမယ့်တရားပါ။ ကိုယ်အာသာရှိနေတဲ့အရာတွေ ကလည်း မမြဲခြင်းဆင်းရဲအစိုးမရတဲ့ အရာတွေဖြစ်နေတော့ ဘယ်မှာချမ်းသာခွင့် ရတော့မှာလဲ၊ ဒုက္ခပေးမယ့်အရာတွေချည်းဖြစ်နေပါပြီ။

ဘုရားပေးတဲ့ ဥာဏ်မျက်စိနဲ့ အပြစ်ကိုမြင်အောင်ကြည့်ပြီး အာသာနည်းနိုင်သမျှနည်းသွားအောင်၊ ငြိမ်းနိုင်သမျှငြိမ်းသွားအောင် ဆင်ခြင်နိုင်ဖို့အရေးကြီးပါတယ်။ ဒါပေမယ့် လောကသားတွေမို့ တစ်ခုမဟုတ် တစ်ခု၊ တစ်မျိုးမဟုတ် တစ်မျိုး၊ မျှော်ကိုးမက်မောလိုချင်နေကြတာပဲ၊ အာသာတွေအမျိုးမျိုးေ ပြာင်းရှိနေကြတာပဲ၊ ဒီအာသာကို ဖြတ်နိုင်ဖို့ စွန့်ပယ်နိုင်ဖို့ခက်ခဲနေပါသတဲ့။

(၂) နေလိုတဲ့အာသာ -------------------------------နေလိုတဲ့အာသာဆိုတာကလည်းဒုက္ခကြီးပွားရေး ဖြစ်နေသမျှတော့ အေးမြချမ်းသာမှုကို မပေးနိုင်ပါဘူး။ လက်ရှိဘ၀မှာ ခြေလက်အင်္ဂါ ပြည့်စုံကျန်းမာစွာနဲ့ အစစအရာရာ အဆင်ပြေပြေ နေရရင် ချမ်းသာသုခ တစ်မျိုးပါပဲ။

✿ဒါပေမယ့် လောကမှကိုယ်ဘယ်လိုပဲနေရနေရ ကိုယ့်ဘ၀ကိုယ့်နေရာကိုတော့ လိုလားမက်မောကြတာ သဘာဝပါ။ ဘယ်လိုပဲ ဆင်းရဲဆင်းရဲ နေသာသလိုလေး နေချင်ကြသေးတာလည်းတွယ်တာမှု အာသာ တစ်မျိုးပါပဲ။ တစ်နေ့အားလုံး သေရမှာပဲ၊ အားလုံးဟာ သေမျိုးတွေပါပဲလို့သိထားတာမှန်ပေမယ့်၊ တကယ်တန်းကြတော့ သေရေးအတွက် စိတ်ဝင်စားသူ နည်းပါးပါတယ်။

သေရေးထက် နေရေးကိုသာ တွေးနေကြတာပါ။ ဘယ်လိုရှာမယ်၊ဘယ်လိုစားမယ်၊ဘယ်လိုဝတ်ဆင်မယ်။ ဘယ်လိုကြိုးစားပြီး ဘယ်သူနဲ့ ဘယ်လိုနေထိုင် လိုက်မယ် စသည်ဖြင့် အမျိုးမျိုးစိတ်ကူးနေတက်ပါတယ်။

✿မသေခင်ဘာလုပ်မလဲဆိုတဲ့ အသိနဲ့ ကောင်းအောင် တက်သူလည်းရှားပါတယ်။ မသေခင်အသက်ရှင် ရတယ်ဆိုတဲ့ စကားဟာ ကြိုတင်ပြင်ဆင်ဖို့အတွက် သတိပေးတဲ့စကားတစ်ခွန်းပါ။ ကံတရားနဲ့ သံသရာ သဘောကို နားလည်နေရင် အမိုက်လောကထဲမှာအချိန်မဖြုန်းသင့်ပါဘူး။ အခုတော့ ဒီလိုမဟုတ်ကြပဲ၊သူတော်ကောင်းတွေရှားပါးပြီး ၊ ကုသိုလ်နဲ့ပျော်သူက နည်းပါးနေတယ်။

လောကမှာ မနေချင်တော့လို့ ကိုယ့်ကိုယ်ကို သေကြောင်းကြံသူတွေရှိပေမယ့်၊ နေချင်လွန်းလို့ အသက်ရှည်ဆေးဖော်စားနေသူ။ ရှာဖွေသူတွေလည်းမနည်းပါဘူး။

မြတ်စွာဘုရားသော်မှ ပရိနိဗ္ဗာန်စံတော်မူခဲ့ပြီ၊ ဂင်္ဂါဝါဠု မရေတွက်နိုင်အောင်လည်းများခဲ့ပြီ။ ဘယ်တန်ခိုးရှင်ကစိတ်ကူးယဉ်ပြနေလို့အားကိုးထိုက်မှာလဲ၊ ဒီလိုနဲ့သေမင်းအစာဖြစ်ရတဲ့ဘ၀ မနည်းတော့ပြီ။ သတွာတွေဟာ ကိလေသာနဲ့ အာရုံအမျိုးမျိုးကို ခံစားချင်ကြတာပါ။ဒီလိုခံစားနေချင်ကြလို့ လည်း သေရမှာကို မလိုလားကြတာ ဖြစ်ပါလိမ့်မယ်။

သဗ္ဗေ ဘာယန္တိ မစ္စုနော-သတွာ အများစုဟာ သေရမှာကိုကြောက်ကြသတဲ့။ ဒါ့ကြောင့် ကိုယ့်အသက်ကို လိုလာခြင်းဆိုတဲ နေလိုတဲ့အာသာမျိုး လွှမ်းမိုးလာပြီဆိုရင် ဒီအာသာကို လည်း ဖြတ်နိုင်ဖို့၊ စွန့်ပယ်နိုင်ဖို့ခက်ခဲပါတယ်။

✿လောကမှာ အာသာနည်းလေလေ၊ ဒုက္ခနည်းလေလေပါ၊ အာသာများ လေ ဒုက္ခများလေဆိုတာ အသိဥာဏ်ရှိသူတိုင်း သဘောထားမိကြပါလိမ့်မယ်။ သာသနာတော်က ညွှန်ပြတဲ့ ငြိမ်းအေးကြောင်းကျင့်စဉ်တွေထဲမှာ"ရောင့်ရဲခြင်းဟာ ချမ်းသာကြောင်း" ဥစ္စာတစ်မျိုးပါ။

အာသာတဏှာကို အခြေခံပြီးတွယ်တာစွဲလမ်းမှုတွေများ လာမယ်။မရ၊ရအောင်ရှာဖွေပြီးရပြန်တော့လည်း ပြည့်စုံတယ်လို့မရှိ၊ ကိုယ်စိတ်ဆင်းရဲအပူမျိုးစုံနေကြရမယ်။ ဒီလိုနဲ့ပဲ လူ့ဘ၀မှာ ရှာဖွေသုံးစွဲ၊ သိမ်းဆည်းစောင့် ရှောက်၊ စိုးရိမ်ပူပန် ဒုက္ခအချိန်တွေသာများခဲ့ပါပြီ၊။

ဘုံဘ၀ခန္ဓာဆိုတာ ဒုက္ခတွေရဲ့ တည်ရာပါ။

အာသာတဏှာဟာ ဒုက္ခဖြစ်ကြောင်းတရားခံပါ။

✿ မြတ်စွာဘုရား-ရှင်က-

"ယံကိဉ္စိ ဒုက္ခံသမ္ဘောတိ၊သဗ္ဗံ တဏှာပစ္စယာ၊ ဒုက္ခဟူသမျှ အာသာတဏှာကြောင့်ဖြစ်ရတယ်။"✿

✿ "တဏှာပစ္စယော သဗ္ဗဒုက္ခံ ဇိနာတိ။ အာသာတဏှာ ကုန်ခြင်းဟာ ဒုက္ခအားလုံးကို အောင်နိုင်ခြင်း" ပဲလို့ မိန့်တော်မူခဲ့တယ်။

ဒါ့ကြောင့် အာသာယဒုက္ခိတာ ပဇာ=အာသာကြောင့် သတွာတွေ ဒုက္ခရောက်နေတယ်ဆိုတာ မလွဲတော့ပါဘူး။

အားလုံးပဲ တဏှာနှင့်ဆက်သောအာသာမှ ကင်းဝေးအောင်ကျင်ကြံနိုင်ပါစေ…ဟု

[အင်္ဂုတ္တရနိကာယ်၊ဒုကနိပါတ်တော်]

(စာရေးသူ - ကိုရင်လေး) —