အကုသိုလ်ကံ၊ကုသိုလ်ကံ ဘယ်ကံ အားကြီး ကြသနည်း။

အကုသိုလ်ကံ၊ကုသိုလ်ကံ ဘယ်ကံ အားကြီး ကြသနည်း။

ကံနှစ်ပါးတွင် အကုသိုလ်ကံ အားနည်း၏။ကုသိုလ်ကံ အားကြီး၏။အဘယ်ကြောင့်နည်း။ဤလောက၌သူ၏ အသက်ကို သတ်ခြင်း၊သူ၏ဥစ္စာကိုခိုးခြင်းစသော မကောင်းမှု ကံကိုပြုခဲ့သော် မျက် မှောက်၌ပင်မင်းပြစ် စိုးဒဏ်ကို ခံရခြင်း စသော အပြစ်သည် ဖြစ်ပါသည် မဟုတ်လော။ ကုသိုလ်ကံကိုပြု ၍ ဤကဲ့သို့ အမြန်မစံရတကားဟူငြားအံ့။ အကုသိုလ်ကံသည် အာနုဘော် နည်းသောကြောင့် မြန်စွာ အကျိုးပေး၏။ကုသိုလ်ကံသည် အာနုဘော် ကြီးသောကြောင့် နှေးနှေးမှ အကျိုးပေး၏။ ဥပမာ-ကောက်ပဲ၊စပါး စသော အပင်သည် တစ်ကြိမ်သာ စားရ၍အာနုဘော်ငယ်သောကြောင့် မြန်စွာ ကြီးသဖြင့် မြန်စွာသီး၏။အုန်းထန်းစသော သစ်ပင်သည် ရှည်ကြာစွာ စားရ၍ အာနုဘော်ကြီးသောကြောင့် တဖြည်းဖြည်း ကြီးသဖြင့် နှေးနှေးသီးသကဲ့သို့တည်း။ ကြာ မကြာသောအားဖြင့်ထောက်ထားသော် အကုသိုလ်ကံသည် ဂရုကံသို့ ရောက်သော် အနန္တရိယကံပင် ဖြစ်သော်လည်း တစ်ကမ္ဘာခံလျှင် လွတ်၏။ကုသိုလ်ကံမူကား ကမ္ဘာအရာ အထောင်ဖြင့်လည်းအဆုံးမရှိ၊ သတ္တိအားလျော်စွာ ခံစား စံစားရသည်သာ ဖြစ်၏။ ဒုဿီလ ရဟန်းတစ်ဦးအားသံဃာတော်ဟု အမှတ်ထား၍ လှူအပ်သော ဒါနသည်လည်းအသင်္ချေယျ ကာလပတ်လုံး အကျိုးပေးကြောင်းကို ဒိက္ခဏ၀ိဘင်္ဂသုတ် စသည်တို့၌ ဟောတော်မူသည်။ ထို့ကြောင့် ကုသိုလ်ကံ အားကြီးကြောင်းကို သိအပ်၏။ အားကြီးသောကြောင့်လည်းအကုသိုလ်ကံ တားမြစ်နိုင်၏။ မိလိန္ဒာမင်းကြီးကမေးလျှောက်၏။ ``အရှင်နာဂသိန်၊ အကြင်သူသည် အနှစ်တစ်ရာမျှလောက် မကောင်းမှုကို ပြု၍သေခါနီးကာလ၌ဘုရားဂုဏ်ကျေးဇူးကို အောက်မေ့ခြင်းစသော ကုသိုလ်ကံကိုပြု၏။ထိုသူသည် ထိုကုသိုလ်ကြောင့်နတ်ပြည်၌ ဖြစ်ရ၏ဟူသော စကားကို ကျွန်ုပ်မယုံကြည်နိုင်။သတ္တ၀ါတစ်ခုကို သတ်မိသောကြောင့် ငရဲခံရ၏ဟူသော စကားကိုလည်းမယုံနိုင်´´ အရှင်နာဂသိန် ဖြေဆိုတော်မူ၏။ ``မင်းကြီး၊ အနည်းငယ်သော ကျောက်ခဲ သံခဲသည် ရေ၌ ပေါ်၏လော´´ ``အရှင်ဘုရား၊ လှေနှင့် ကင်း၍မပေါ်´´ ``မင်းကြီးများစွာသော ကျောက်ခဲ သံခဲတို့သည်လည်းလှေနှင့် ကင်း၍ရေ၀၌ ပေါ်၏လော´´ ``အရှင်ဘုရားမပေါ်နိုင်ချေ´´ ``မင်းကြီး၊ လှေကားကုသိုလ်ကံနှင့်တူ၏၊ကျောက်ခဲကား အကုသိုလ်ကံနှင့်တူ၏။တစ်စင်းတည်းသော လှေသည် ကျောက်ခဲအများကိုဆောင်နိုင်သကဲ့သို့အားကြီးသော ကုသိုလ်ကံ တစ်ခုတည်းသည် များစွာသော အကုသိုလ်ကံကို တားနိုင်၏။ထို့ကြောင့် ကြာမြင့်စွာပြုသော အကုသိုလ်ကို သေခါနီး၌ဖြစ်သောကုသိုလ်ကံသည် ဆောင်နိုင်လေသတည်း ´´ (ဦးသော်ဇင် ၏စွယ်စုံကျော်ထင် စာအုပ်မှ)