ဘဝင်စိတ်နဲ့ မသိစိတ် ဆိုတာ သိမြင်နိုင်ပုံ
စိတ်ဖြစ်စဉ်ကို ထင်ရှားတဲ့ ဥပမာလေးတခုနဲ့ ပြောပြပါမယ်။ အဘိဓမ္မာရဲ့ အဖွင့်ကျမ်းတစ်စောင်ဖြစ်တဲ့ အဌသာလိနီကျမ်းအဋ္ဌကထာမှာ လာတဲ့ ဥပမာပါ။ ကျမ်းဆရာကြီးပြောပြထားတာက အလွန်ရှင်းပါတယ်။ သူပြောပြထားတာက “သရက်သီးသီးနေတဲ့ သရက်ပင်အောက်မှာအိပ်ပျော်နေတဲ့ လူတစ်ယောက် ပမာနဲ့ ပြောပြထားပါတယ်။ သူနှိုင်းယှဉ်ပြထားတာက..... ၁။ သတ္တ၀ါတိုင်း၌ မြင်စိတ်၊ကြားစိတ် စသည့် စိတ်အစဉ် တခုခု (၀ီထိ) မဖြစ် ခင်မှာ ရှေးဦးစွာ မသိစိတ်(ဘ၀င်စိတ်)ဖြစ်နေခြင်းသည် လူတစ်ယောက်၏ သရက်ပင်အောက်၌ အိပ်ပျော်နေခြင်းနှင့် အလားတူ၏။ ၂။ မြင်စိတ်စသည့် စိတ်အစဉ် (၀ီထိအစဉ်)ဖြစ်လာနိုင်ရန် မျက်စိအကြည်ရုပ် (စက္ခုပသာဒရုပ်)၌ အဖြူ၊အနီ၊ အ၀ါစတဲ့ အဆင်းအာရုံ၏ ထိခိုက်ခြင်းသည် သရက်ပင်အောက်၌ အိပ်နေတဲ့လူ အနီးနားဝယ် သရက်သီးကြွေကျပုံနှင့် အ လားတူပါတယ်။ ၃။ မသိစိတ် (ဘ၀င်)အစဉ်ကို ဖြတ်၍မြင်စိတ်ဖြစ်ဖို့ အသိပေးတဲ့ သဘော (အာဝဇ္ဇန်း) ဖြစ်လာခြင်းသည် သရက်ပင်အောက် အိပ်နေသူ အနီးအပါးဝယ် သရက်သီးကြွေကျသံကြောင့် နိုးလာသည်နှင့် အလားတူ၏။ ၄။ မြင်စိတ်ဖြစ်ပြီးအဖြူ၊ အနီစသည့် (ရူပါရုံ)ကို မြင်ခြင်းသည် ခေါင်းမြီးခြုံကို ဖွင့်၍ကြည့်ခြင်းနှင့် အလားတူ၏။ ၅။ ယင်းစိတ်သဘောကိုသမ္ပဋိစ္ဆိုင်း (ခံယူ)သကဲ့သို့ ဖြစ်ခြင်းသည် ထိုလူ၏ သရက်သီးကို လှမ်း၍ ယူငင်းခြင်းနှင့်အလားတူ၏။ ၆။ ယင်း ခံယူပြီးတဲ့ စိတ်သဘောကို သန္တီရဏ(စုံစမ်းခြင်း)သ ဘောဖြင့် ကောင်း/မကောင်းစုံစမ်းခြင်းသဘောသည် ထိုလူ၏သရက်သီးကို အကောင်းလား/အပုတ်လား၊အစိမ်းလား/အမှည့်လားစသည်ဖြင့် စမ်းကြည့်ခြင်းနှင့် အလားတူ၏။ ၇။ ၀ုဋ္ဌော (ဆုံးဖြတ်ချက်) စိတ်ဖြင့် မိမိမြင်တဲ့ သဘောကို ဒါက ကောင်းတဲ့ သဘောကုသိုလ်ပဲ၊ဒါက မကောင်းတဲ့ သဘော အကုသိုလ်ပဲဟု ဆုံးဖြတ်ခြင်း သည် ထိုလူ၏သရက်သီးကို နှိပ်ကိုင်၊နမ်းရှူကြည့်၍ သရက်သီးမှည့်မှန်း၊ စားဖြစ်မှန်းသိတာနှင့် အလားတူ၏။ ၈။ ဇောအဟုန်ဖြင့် မိမိမြင်တဲ့ အဆင်းအာရုံအရသာကို ခံစားခြင်းသည် ထို လူသား၏သရက်သီးမှည့်နေ၍အရသာခံကာ စားနေသည့် ပမာနှင့် အလား တူ၏။ ၉။ ထို့နောက် တဒါရုံ (ဆုံးဖြတ်ချက်) သဘော၏ ဇောစိတ်အစဉ်၏ အာရုံကို ဆက်လက်တာဝန်ယူလျှက် ကုသိုလ်ဆို ကုသိုလ်အလိုက်၊ အကုသိုလ်ဆို အ ကုသိုလ်အလိုက် ဆက်လက် ဖြစ်ကာ လက်ခံလိုက်ခြင်းသည် သရက်သီးကို ၀ါမျိုးချလိုက်ပြီး အရသာ ခံနေခြင်းနှင့် အလားတူ၏။ ၁၀။ထို့နောက် စိတ်အသစ် တစ်ပါး မဖြစ် မချင်း မသိစိတ်များ (ဘ၀င်စိတ်များ)ဆက်လက်ပြီး ဖြစ်ပါတယ်။အဲဒီလို ဖြစ်နေတဲ့ သဘောကတော့ သရက်သီးစားပြီး ပြန်ပြီးခေါင်းမြီးခြုံကာ အိပ်တဲ့ လူရဲ့ ဥပမာနှင့် အလားတူပါတယ်။
No comments:
Post a Comment